|
Təhsil Nazirliyindən AzərTAc-a bildirmişlər ki,
yeni tədris ilində orta məktəblərin XI sinif
şagirdləri üçün yeni "İnformatika" dərsliyi
istifadəyə veriləcəkdir. Dərslik məzmununa görə
əvvəlkindən tamamilə fərqlənir.
Bundan əvvəlki "İnformatika" dərsliyi 10-11-ci
siniflər üçün nəzərdə tutulmuşdu və müasir
dövrün tələblərinə cavab vermirdi. Ümumilikdə,
"İnformatika" dərsliklərinin yeniləşdirilməsi
prosesinə 2005-ci ildən, 5-ci sinif
dərsliklərindən başlanmışdır. Bu il 11-ci sinif
üçün "İnformatika"nın hazırlanması ilə bu
dərsliklərin tamamilə yeniləşdirilməsi prosesinə
yekun vurulmuşdur. 3-cü siniflər üçün yeni
kurikuluma uyğun olaraq "İnformatika" dərsliyi
də yenidən hazırlanmışdır. Bu dərslik də
sentyabrda şagirdlərin istifadəsinə
veriləcəkdir. |
