Yaponiyanın ölkəmizdəki səfirliyindən bildirmişlər ki, Yaponiyanın Təhsil, Mədəniyyət, İdman, Elm və Texnologiya Nazirliyi 2011-ci ildə bu ölkənin ali məktəblərində bakalavr, tədqiqatçı, magistr, doktorant dərəcələri üzrə ali təhsil almaq istəyən azərbaycanlılar üçün təqaüd ayıracaqdır.

Təhsil humanitar, ictimai, texniki və təbiət elmləri sahələrini əhatə edəcəkdir. Təqaüdün, dərəcələrə uyğun olaraq, 1,5-5 il müddətində verilməsi nəzərdə tutulmuşdur. Təhsil almaq istəyənlər üçün yapon dilini öyrənmək əsas şərtlərdən biridir.

Ərizələr  2010-cu il iyunun 11-dək Yaponiya səfirliyində qəbul ediləcəkdir.

Ətraflı məlumatı səfirliyin mədəniyyət və informasiya şöbəsindən, www.az.embjapan.go.jp ünvanlı saytdan əldə etmək mümkündür.