Bakı məktəblərində fransız dilini öyrənən şagirdlər üçün ənənəvi "Mən fransızca danışıram" müsabiqəsinin birinci seçmə turu olmuşdur. "Kainat" gənclər mərkəzinin və Bakıdakı Fransız Mədəniyyəti Mərkəzinin hər il keçirdiyi bu müsabiqəyə Fransanın "Total" şirkətinin Azərbaycandakı nümayəndəliyi sponsorluq edir.

Bakıdakı orta məktəblərin 30-a yaxın şagirdinin iştirak etdiyi müsabiqənin birinci mərhələsində yarışlar iki yaş qrupunda - 5-7-ci və 8-11-ci sinif şagirdləri arasında keçirilmişdir. Bakıdakı orta ümumtəhsil məktəblərinin fransız dili müəllimləri şagirdlərin yazı vərdişlərini yoxlamış, onlarla müsahibə aparmışlar.

"Mən fransızca danışıram" müsabiqəsinin birinci seçmə turunun qalibləri aprelin 20-də keçiriləcək final mərhələsində iştirak edəcəklər.  

AzərTAc