Bakıdakı 261 nömrəli orta məktəbdə "Fizika gecəsi" keçirilib.

Tədbiri giriş sözü ilə açan məktəbin direktoru Abuzər Əsədov bildirib ki, artıq ənənə şəklini alan fənn  gecələrinin təşkili rəhbərlik etdiyi  məktəbdə özünü doğruldub. Bu gecələrin keçirilməsi fənlərin tədrisi keyfiyyətinin yaxşılaşmasına, səviyyəsinin yüksəldilməsinə xidmət edir. Belə tədbirlər proqram materiallarının dərindən mənimsənilməsinə kömək etməklə yanaşı, şagirdlərin fənnə həvəsini artırır, dünyagörüşünü genişləndirir, elmi məlumatlarını zənginləşdirir.

Sonra şagirdlər tanınmış fiziklərin həyatından danışıblar. Gecədə fizikaya aid təcrübələr aparılıb, tapmacalar və səhnəciklər  göstərilib.

Xətai Rayon İcra Hakimiyyətinin  təhsil, səhiyyə və mədəniyyət  şöbəsinin  əməkdaşı Qüdrət  Səfərov, ADPU-nun professoru Şükür Əlizadə, dosent Əfqan Kərimov və başqaları keçirilən tədbirin əhəmiyyətindən danışıb və məktəblilərlə birgə olmalarından məmnun olduqlarını bildiriblər.

Gecədə fənn olimpiadasının  şəhər turunda   I yer tutan IX "A" sinif şagirdi   Turan İsgəndərzadə və XI "A" sinif şagirdi Zülfiyyə Heydərliyə  Bakı Şəhəri üzrə Təhsil İdarəsinin Fəxri fərmanı təqdim  olunub.

Tədbir diskussiya şəklində başa çatıb.  

Şakir CƏFƏROV