Azərbaycan Beynəlxalq Universitetinin idman zalında Bakı Şəhər Gənclər və İdman Baş İdarəsinin (BŞGİBİ) təşkilatçılığı ilə "Sağlam həyat tərzi və idman" devizi altında kütləvi idman növlərinin nümayişi və rəsm sərgisi keçirilib.

Çıxış edənlər 5 Mart - Bədən Tərbiyəsi və İdman Günü münasibəti ilə təşkil olunmuş tədbirin mahiyyəti haqqında məlumat verərək, uşaq və gənclərin bədən tərbiyəsi və idmana maraqlarının artırılması üçün belə tədbirlərin keçirilməsinin vacib olduğunu qeyd ediblər.

Sonra cüdo, kapolyra, şaolin, pankration və uşu federasiyaları nümayəndələrinin nümunəvi çıxışları nümayiş etdirilib.

Rəsm sərgisində mükafata layiq görülmüş gənclərə diplom və hədiyyələr təqdim olunub.