Bu günlərdə Respublika Ekoloji Tərbiyə və Təcrübəçilik Mərkəzində (RETTM) paytaxt məktəbliləri arasında "Eko Erudit" ekoloji breyn-rinq yarışması keçirilib.  RETTM-nin Təhsil Nazirliyi, Bakı Şəhəri üzrə Təhsil İdarəsi, Dövlət Neft Şirkəti və 46 nömrəli Məktəbdənkənar Tərbiyə İşi Mərkəzi ilə  birlikdə  keçirdiyi tədbirin əsas məqsədi məktəblilərin  ekoloji biliklərini artırmaq və onlarda  ətraf  mühitin  qorunmasına  maraq  oyatmaqdır.

Yarışın yarımfinal mərhələsində mübarizə aparan 58 nömrəli orta məktəbin "Xəzər" komandası I, 194 nömrəli orta məktəbin "Günəş" komandası II, 269 nömrəli orta məktəbin  "Səma" komandası isə III yerlərə  layiq görülüb. Qaliblərə diplom və hədiyyələr təqdim edilib.  

Samirə KƏRİMOVA