Moskvada ilk müəllim abidəsi açılıb. Birinci sinif şagirdləri ilə əhatə olunmuş gənc qadın müəllimin mərmər postament üzərindəki bürünc fiquru Müəllim günü ərəfəsində 1925 nömrəli təhsil mərkəzinin həyətində ucaldılıb. Müəllimləri öz peşə bayramları, müəllim ili münasibəti ilə qeyri-standart təbrik etmək ideyası mərkəzin yetirmələri və onların valideynlərində yaranıb. Bu səbəbdən təsvirin portret oxşarlığı var, belə ki, gənc heykəltəraş Valeri Rıbinskinin qarşısında məhz 1925 nömrəli məktəbin şagirdləri və müəllimi poza alıb.

Abidə, sözün əsl mənasında, xalq abidəsidir: onun üçün pulu rayonun sakinləri, keçmiş və indiki şagirdlər yığıblar. Uşaqlar metal qırıntısı və maklatura toplayıblar, öz valideynlərinin köməyi ilə şirniyyat yarmarkaları keçiriblər.

Xatırladaq ki, o, Rusiyada bu cür yeganə abidə deyil. Müəllim abidələri ölkənin Tver vilayətində, Oryol, Saratov, Stavropol, Belqorod və başqa şəhərlərində də var.

Hazırladı: Y.ƏLİYEV