Azərbaycan Respublikası Təhsil Problemləri İnstitutunun Osmanlı Əlövsət Cəlal oğluna qarşı işgüzar nüfuzun müdafiəsi, vurulmuş zərərin ödənilməsi və təkzib verilərək üzr istənilməsi tələblərinə dair qaldırdığı mülki işə Nəsimi Rayon Məhkəməsində baxılıb. Məhkəmənin çıxardığı qətnamədə cavabdeh Osmanlı Əlövsət Cəlal oğlunun "Azadlıq" qəzetinin 2 fevral 2010-cu il tarixli sayında dərc edilmiş "Mərdanovun qaragüruhçuları" məqaləsində yer alan fikirlərin əsassızlığı, müəllifin qərəzli mövqe tutması əksini tapıb. Məhkəmə həmçinin, Əlövsət Osmanlının iddiaçı tərəf olan Təhsil Problemləri İnstitutundan üzr istəməsi və təkzib verməsi ilə bağlı qərar çıxarıb.