|
Noyabrın 23-də Bakı Şəhəri üzrə Təhsil
İdarəsinin təşəbbüsü, teleradio və media
nümayəndələrinin iştirakı ilə paytaxtın 11
rayonundakı ümumtəhsil məktəblərində reydlər
keçirildi. Reydlərdə məqsəd təhsil ocaqlarında
məktəbli formasından istifadə edilməsi
vəziyyətini və davamiyyəti yoxlamaq idi.
Reydlər paytaxtın 11 rayonunda eyni vaxtda
keçirildi.
 Bizim
də daxil olduğumuz monitorinq qrupu reydə Xətai
rayonundakı 27 nömrəli orta məktəbdən başladı.
Bakı Şəhəri üzrə Təhsil İdarəsinin nümayəndəsi
Uğurlu Abbasovun da iştirak etdiyi reyddə
şagirdlərin vahid məktəbli formasına və
davamiyyətə riayət olunması yoxlandı. Buradakı
vəziyyəti qənaətbəxş hesab etmək olardı. Belə
ki, ibtidai siniflərdə istər vahid məktəbli
forması, istərsə də davamiyyət normal vəziyyətdə
idi.
Sonra 55 nömrəli məktəbə yollandıq. 1900-cü
ildən istifadədə olan məktəbin sinif otaqlarında
ümumi səliqə-sahman var idi. Vahid məktəbli
formasına əməl olunurdu. Aşağı siniflərdə
davamiyyət 100% olsa da, X-XI siniflərdə
şagirdlərin davamiyyəti 95% idi.
Sözügedən məsələ ilə bağlı 287 nömrəli
lZəkalar» liseyində də vəziyyət ürəkaçan idi.
Vahid məktəbli formasına tam əməl olunan
liseydə, şagirdlərin dərsə davamiyyətini də
normal qiymətləndirmək olar. Liseyin tədris
binasının kiçik olmasına baxmayaraq, şagirdlərin
bilik və bacarıqlarını əks etdirən lövhələr
təqdirəlayiq idi.
95 nömrəli orta məktəbə baxış zamanı ibtidai
sinif şagirdlərini vahid formada görsək də,
yuxarı sinif şagirdlərinin bəzilərinin dərs
zamanı gödəkcədə oturduqlarını müşahidə etdik.
Məktəbin direktoru Tahir Süleymanov bunun
səbəbini istilik sisteminin tam işlək vəziyyətdə
olmaması ilə əlaqələndirdi.
Sonda qeyd edək ki, xırda nöqsanları nəzərə
almasaq, məktəblərdə vəziyyətin bu baxımdan
normal, istər vahid məktəbli formasının tətbiqi,
istərsə də şagirdlərin dərsə davamiyyətini
qənaətbəxş hesab etmək olar.
Niyazi RƏHİMOV |
