|
Fənn kurikulumlarının tətbiqi mərhələsində Bərdə
rayon ibtidai sinif müəllimləri də təlimi günün
tələbləri əsasında təşkil və yüksək nəticələr
əldə etməyə çalışırlar. Onların fəaliyyətindəki
ən uğurlu məqamları dərindən öyrənmək və təhsil
ictimaiyyətinə çatdırmaq məqsədilə Azərbaycan
Müəllimlər İnstitutunun əməkdaşları Zöhrə
Əliyeva və Solmaya Əmirəliyeva Bərdə rayonunun 8
nömrəli şəhər orta məktəbində olmuşlar.
Bu təhsil ocağında dörd I sinif və dörd II sinif
şagirdləri təhsil alır. AMİ-nin əməkdaşları
tərəfindən bu siniflərdə 3 gün müddətində 11
saat dərs dinlənilib, müzakirələr aparılıb,
müəllimlərə lazımi məlumatlar, materiallar və
metodik tövsiyələr verilmişdir. Birinci gün
müəllimlərin iştirakı ilə konfrans
keçirilmişdir.
Məktəbin ən fəal müəllimlərindən Könül Quliyeva,
Mətanət Məmmədova, Leyla Rüstəmova, Roza
İbrahimova, Rüxsarə Mirzəyeva və Nərgiz
Həsənovanın dərsləri dinlənilmişdir. Ezam
olunmuş mütəxəssislər tərəfindən çox bəyənilmiş
dərslərin videoçəkilişi elektron variantda
AMİ-nin fonduna (DVD) təqdim olunmuşdur. |
