2010-cu il mənim üçün çox uğurlu keçib. TQDK-nın keçirdiyi qəbul imtahanında IV qrup üzrə 700 bal toplayaraq Azərbaycan Tibb Universitetinin müalicə işi fakültəsinə qəbul oldum. Bu, 11 illik zəhmətimin bəhrəsi idi. Buna görə də mənə Bakıdakı 72 nömrəli məktəb-liseydə dərs demiş bütün müəllimlərimə minnətdaram. Xoşbəxtəm ki, müəllimlərimin ümidlərini doğrulda bildim.

İndi mən respublikamızın ən nüfuzlu təhsil ocaqlarından birində - Azərbaycan Tibb Universitetində oxuyuram. Burada oxumaq həm şərəflidir, həm də çətin. Çətinlik ondan irəli gəlir ki, savadlı həkim olmaq üçün çox oxumaq lazımdır. Mən isə bu sənətə yiyələnmək üçün hər bir çətinliyə hazıram. Bizim universitetdə bilikli, savadlı müəllimlər dərs deyir, mühazirələr çox maraqlı keçir. Mən bir tələbə kimi istəyirəm ki, bütün sınaqlardan üzüağ çıxım. Bu semestr ərzində nə öyrəndimsə, bunu sessiya imtahanları göstərəcək. İstərdim ki, qəbul imtahanında topladığım yüksək bala görə layiq görüldüyüm "Prezident təqaüdçüsü" adını qoruyub saxlayım. Bunun üçün sessiya imtahanlarına səylə hazırlaşıram.

Yuxarıda qeyd etdiyim kimi, qəbul imtahanında 700 bal toplamagım mənim üçün bu ilin ən yaddaqalan xos hadisəsi oldu. Qarsıdan gələn 2011-ci ildə də belə ugurlarımın çox olmasını istəyirəm. Dünya Azərbaycanlılarının Həmrəylik Günü və Yeni il münasibətilə, ilk novbədə, valideynlərimi,  mənə bilik verən, bu nailiyyətlərimdə böyuk rolu olan müəllimlərimi, tələbə yoldaslarımı, universitetdə mənə dərs deyən muəllimlərimi, bütün xalqımıziı təbrik edirəm.

2011-ci il üçün çoxlu arzularım var. Bunlardan ən əsası təhsilimi xaricdə - Almaniyada davam etdirmək istəyimdir. Orada ən müasir mualicə texnologiyalarını öyrənmək, savadli olmaq və Vətənə qayıdib insanlara ən yüksək səviyyədə xidmət etmək arzusundayam. İnanıram ki, bu arzum elə 2011-ci ildə gerçəkləşəcək. 

Esmira BAXŞƏLİYEVA,
Azərbaycan Tibb Universitetinin müalicə işi fakültəsinin
I kurs tələbəsi