Azərbaycanın Milli Qəhrəmanı Mübariz İbrahimovun xatirəsinə həsr olunub. 

Vətən torpağı
Candan da əziz,
Keçdi hücuma
İgid Mübariz! 

Açdın atəşi,
Qırdın yağını,
Verdin düşmənə
Sən göz dağını! 

Qaldı arxasız
Hayın ilanı,
Əzdi başını
Yurdun aslanı! 

Elin fəxr edir
Sən tək oğulla,
Adın Vətəndə
Döndü nağıla! 

Verdi qeyrətin
Şəhid adını,
Aldın elindən
Ürək odunu! 

Yurdun, məskənin
Tanrı məqamı,
Desin mübarək
Sənə el-hamı! 

Şəhid "Quran"da
Diri sayılır,
Cənnət sizlərin
Yeri sayılır! 

Adın şərəfdir,
Şərəf bizlərə,
Təpər ürəyə,
İşıq gözlərə! 

Dildə dastandır,
Adın Mübariz,
Qoydun tarixdə
Sən bir şanlı iz! 

Nafilə ABUZƏRLİ