Rusiyada əsas ixtisaslaşmaları nanotexnologiya olacaq məktəb şəbəkəsi meydana gəlir. Bundan başqa, arzu edən hər kəs görkəmli alimlərin mühazirələrinə qulaq asmaqla nano aləmlə ünsiyyətə girə bilər. Tenderdə qalib gələn "İştirak" təlim mərkəzi 2011-ci ilədək nanoməktəb şəbəkəsi yaratmağı planlaşdırır. Bu məqsədlə sifarişçi - "Rosnano" 28 milyon rubl xərcləməyi nəzərdə tutur. Artıq bu il sentyabrın əvvəlindən "Rosnano" "Nanotexnologiya aləmi" adlı məktəblilər üçün 21 elmi-kütləvi mühazirədən ibarət kurs buraxır. Nanotexnologiya üzrə mühazirələr Moskvada, Permdə, Belqorodda, Kazanda, Petrozavodskda və Yekaterinburqda, habelə digər iri region mərkəzlərində oxunacaq.

Bundan başqa, mühazirənin keçirildiyi vaxtda Arxangelsk, Yekaterinburq, Kazan, Krasnoyarsk, Novosibirsk, Stavropol, Ryazan və Permlə ikitərəfli video konfrans bağlantısı yaradılacaq. Mühazirələr oktyabrın sonunadək davam edəcək, bundan sonra onların mətni ümumi istifadə üçün açıq olacaq.

Hazırladı: Y.ƏLİYEV