Bakı şəhər  1 nömrəli  İxtisaslaşdırılmış Olimpiya  Ehtiyatları  Uşaq-Gənclər  Şahmat- Dama Məktəbinin 8 yaşlı yetirməsi  Abdulla Qədimbəyli  Bakıdakı  287 nömrəli "Zəkalar" liseyinin III sinif şagirdi, dərs əlaçısıdır. Hələ 4 yaşında idmanın  şahmat növünə  maraq göstərən Abdulla, artıq 5  yaşında olarkən şahmat yarışlarında iştirak edib, çoxlu kubok və medallar qazanıb. 2007-ci ildə  məktəbdə keçirilən şahmat yarışında I, Bakı  birinciliyində II, 2008-ci il Azərbaycan birinciliyində III, "Bilik günü"nə həsr olunmuş şahmat yarışlarında II, 2009-cu il Gəncədə I Beynəlxalq  uşaq şahmat festivalında I, ulu öndər Heydər Əliyevin  anadan olmasının 87-ci ildönümünə  həsr olunmuş yarışda I, "Bakı Open-2009" uşaq şahmat turnirində I yerləri  qazanıb. Abdulla dəfələrlə  öz yaşıdları arasında keçirilən  dünya və  Avropa birinciliklərinin  qalibi olub. O, beynəlxalq yarışlarda - Bolqarıstanda, Vyetnamda, Türkiyədə  və s. ölkələrdə  I yerləri tutaraq qələbə ilə  Vətənə qayıdıb.

Bu günlərdə isə Gürcüstanın Batumi şəhərində öz yaş qrupunda  oğlanlar arasında keçirilən  Avropa çempionatında I yeri tutaraq qızıl medala layiq görülüb.

İkiqat Azərbaycan və Avropa çempionu adını qazanan Abdullanın  məşqçisi,  beynəlxalq  dərəcəli qrossmeystr  Fərid Abbasov  öz yetirməsinin  gələcəkdə  güclü  şahmatçı olacağına  əmindir.  

Sifai SƏFƏROVA